زهق

ليه كل الناس بتتكلم على كل الناااااس

ليه كل الناس بتقرف فى كل الناس

محدش بيسيب حد فى حاله لييييييييه يا جدعااااااان

كل واحد حاشر مناخيره فى حياه التانى ومش كده وبس

لا ونازل تحليل واستنتاجات زى ما تكون حياه

اللى جابوه

الواحد قرف من كل العلاقات وكرهها ....

علاقات ايه وزفت ايه... هو انا بعرف الناس عشان يقرفونى

ويطهقونى فى عيشى ولا ايه ...هو انا ناقصاهم

ما كل زفت يخليه فى حاله وهمه هى الناس ناقصه شكله..الله يحرقه

وده كوم باه وهم الكلام ده كوووم تاااانى ....

كل واحد زى ما يكون متربص لغيره ينطق بكلمه عشان

يشرحها ويبتدى باه يبنى قصور من الرمال على الشواطىء المعفنه اللى ملهاش

اساس اصلا ويفضل

باه عايش فى الوهم الكبير... الهى ما يوعى يصحى منه البعيد

ليه اللى عايز يقول حاجه لحد مبيقولهااااش على طوووووول

لازم الاول يدخلها معمل التحاليل الاول تتبسطر وتتقطر وتتخرط على مقاس نفسيته

ونفسيه اللى

جايبينه واللى قاعدين جنب اللى جايبينه... الهى المكان يولع بينا كلنا عشان نخلص

هبقى على طبيعتى وراحتى لما احب حد اقوله انا بحبك ولما اكره حد اقوله انا مش طايقه

شكلك ولو عندى كلمه هخبطها فى وشه مش هفكر كلامى ده هيضايق

مين ولا هيبسط مين مانشالله

عنهم مااتبسطوا ولا زعلوا ....

وأنا باه من هناو رايح هحدد علاقاتى واشل التزاماتى...و هزبل كل الناس

وحـــــــــــقــــــــــى أزبلهم

و من حق كل انسان انه يُـــــــزبــــــل

ومحدش يرد عليا...